دروش (چمرکھن ) اقوام متحدہ کے ریزیڈنٹ کوآرڈینیٹر براٸے پاکستان جولین ہارنیز نے اقوام متحدہ کے مختلف ایجنسیز کے زیر نگرانی جاری ترقیاتی کاموں کا جاٸیزہ لینے کی غرض سے چترال کا دورہ کیا۔
اس موقع پر ورلڈ فوڈ پروگرام کے تحت عشریت کے مقام پر مکمل شدہ سنیٹیشن کے کاموں پر اطمیناں کا اظہار کیا۔ اس کے بعد کلکٹک میں یو این ایچ سی آر۔ کے افغان مہاجرین کے لٸےقاٸم شدہ ہیلتھ سنٹر کا بھی دورہ کیا اور وہاں پر موجود سہولیات پر اطمینان کا اظہار کیا۔
جناب جولین ہارنیز نے تحصیل چٸیرمین دروش جناب شھزادہ خالد پرویز کی دعوت پر سیر دور فورٹ میں بلدیاتی نماٸندوں اور کمیونٹی اکابریں کیساتھ نشت میں شرکت کی۔
اس نشست میں چٸیرمین تحصیل کونسل دروش جناب شھزادہ خالد پرویز نے مہمانوں کو خوش امدید کہا اور دروش کے مساٸل اور بلدیاتی سسٹم پر روشنی ڈالی۔
خاص طور پر سیلاب سے تباہ شدہ انفرسٹرکچر کی بحالی پر زور دیا ، بلدیاتی اداروں اور یو این ایجنسیز کو کوارڈینشین سے کام کرنے اور پاٸیدار ترقی کو ممکن بنانے میں کردار ادا کرنے کا عزم کیا۔
ویلج کونسلز فورم دروش اور کمیونٹی آرگناٸیزیشن کے نماٸندگی چٸیرمین وقار احمد نےکی۔ آپ نے اقوام متحدہ کے مختلف ایجنسیز کیطرف سے دروش میں جاری اور مکمل شدہ کاموں پر روشنی ڈالی اور اقوام متحدہ کے اداروں کیطرف سے جاری کاموں کو مختلف یونین کونسلز تک توسیع دینے کا مطالبہ کیا۔
اس کے علاوہ شھزادہ ہشام الملک نے موسمیاتی تبدیلی اور اس کے نتجے میں ہونے والے نقصانات پر مفصل پریزنٹیشن دی اور موسمیاتی تبدیلی اور نقصانات کو کم کرنے کے حوالے تجاویز پیش کی۔
خواتین کی نماٸندگی کونسلر گل نسیرین نے کی اپ نے خواتین کو انٹرپراٸیز ڈویلپمنٹ ، تعلیم اور صحت کے مساٸل حل کرنے کا مطالبہ کیا۔
مہمان خصوصی جناب جولین ہارنیز نے اپنے خیالات کا اظہار کرتے ہوٸے کمیونٹی کا شکریہ اداکیا اور آپ نے کہا کہ کسی بھی معاشرے میں مساٸل کو حل کرنے کے لٸے مظبوط لوکل گورنمنٹ کا کردار اھم ہوتا ہے۔
اقوام متحدہ کے ادارے لوکل گورنمنٹ کیساتھ مل کر کام کریں گے۔ اور اداروں کی استطاعت کار کو بڑھانے میں منتخب نماٸندوں کو ٹریننگ بھی دی جاٸے گی۔
