لوٹ اویر (نمائندہ چمرکھن) فلاحی و سماجی تنظیم ” جذبہ خدمت تنظیم چترال” یونین کونسل اویر کا اہم اجلاس تنظیم ہذا کے دفتر باغ اویر میں زار کے زیر صدارت منعقد ہوا۔اجلاس میں تنظیم کے کابینہ ممبران کے علاوہ علاقہ عمائدین اور عوام کی بڑی تعداد شریک ہوئیں۔ اجلاس میں یوسی اویر کے دیرینہ اور چیدہ چیدہ مسائل پر شرکاء نے تفصیلی گفتگو کیں۔
مقررین نے دور حاضر میں صحت کی اہمیت پر روشنی ڈالتےہوئے اس تاسف کا اظہار کئے کہ پورے یوسی میں شنگوش ہسپتال انتہائی نازک حالات سے دوچار ہیں لہٰذا حکومت کو فی الفور یوسی اویر کے لوگوں کی مشکلات کو مدنظر رکھتے ہوئے ہسپتال ہذا میں اسٹاف کی کمی کو پورا کیا جائے ۔ علاوہ ازیں چھانی اویر روڈ کی فوری تعمیر و مرمت کےلئے حکومت سے فوری اقدام کی اپیل کرتے ہوئے قرارداد متفقہ طور پر منظور کی گئی۔
مقررین نے یوسی اویر کو لوئیر چترال کیساتھ ضم کرنے کے قرارداد منظور کی۔
مقررین نے چھانی اویر روڈ کے مسئلے کے علاوہ ٹیلی نار کی ناقص نیٹ ورک سروس پر شدید غم و غصّے کا اظہار کیا، انہوں نے اس بات پہ افسوس کا اظہار کیا کہ ٹیلی نار غیر ملکی انٹرنیشنل پرائیویٹ کمپنی ہونے کے باوجود اویر کے باسیوں کے ساتھ حکومت کے نقش قدم پر چلتے ہوئے سوتیلی ماں کا سلوک کر رہی ہے۔
انہوں نے اس عزم کا ارادہ کیا کہ اویر کے عوام کو ان کے بنیادی حقوق دلانے کےلئے حکومت سمیت سول سوسائٹی اور تمام متعلقہ نجی اداروں اور کمپنیوں کے دروازے کھٹکھٹائیں گے۔