اپر چترال (نمائندہ چمرکھن ) اپر چترال کے علم کی شمع سے روشن سرزمین زییئت سے تعلق رکھنے والا آغا خان ہائیر سیکنڈری اسکول سین لشٹ کے طالبعلم زبیر حکیم نے خیبر میڈیکل یونیورسٹی (کے ایم یو) کے تحریری امتحان اور انٹرویو پاس کرکے ایم بی بی ایس میں داخلہ لینے میں کامیاب ہوگئے ہیں۔
زبیر حکیم اپر چترال سرزمین زیئیت کے مشہور سماجی شخصیت حکیم خان کے چشم وچراغ ہیں۔
یاد رہے آغا خان ہایئر سیکنڈری اسکول سین لشٹ کے دو طلبہ صبور علی اور زہیب علی آغاخان یونیورسٹی کراچی میں ایم بی بی ایس میں داخلہ لینے میں کامیاب ہو چکے ہیں ۔
چمرکھن قوم کے اس ہونہار سپوت، اس کے خاندان سمیت آغاخان ہائیر سیکنڈری اسکول سین لشٹ کے اساتذہ کرام کو عظیم کامیابیوں پر مبارکباد پیش کرتا ہے اور ان کے روشن مستقبل کے لئے دعاگو ہے، بے شک زبیر حکیم ان تمام طلباء طالبات کیلئے مثال ہے جو تعلیم کے میدان میں کامیابیوں کے جھنڈے گاڑھنے کی خواہشمند ہیں۔